Transcription
1
Monsieur, le vy seneschal de Crest sest retiré à nous pour avoir
2
veriffication des lettres quil a obtenues du roy de restablissement en ses
3
biens et en son estat ; surquoy nous navons encores vollu pourveoir
4
sans vous en faire ce mot affin dentendre de vous sy par sa reception
5
on fera chose qui puisse revenir aulcunement au prejudice du service
6
du roy et du bien publicq et soubçon des habitans dudit Crest ; ce que il
7
vous plairra nous faire entendre, affin que puissions passer oultre
8
sellon que treuverés estre raisonnable. Sur ce, nous prierons le
9
Createur,
10
monsieur, vous donner en santé, longue et heureuse vye. De Grenoble, ce
11
Xe febvrier 1574.
12
Voz bons frères et meilheurs amys les
13
gens tenans la cour de parlement de
14
Daulphiné.
15
Fustier
16
17
Messieurs, jey veu ce que mescrivés pour le fayct du vi seneschal de
18
Crest. Je ne vous puis dyre si sa reception reviendra au prejudice
19
du service du roy, ne pouvant disserner le cueur des hommes et encores moings
20
si les habitans du Crest en entreront en soubsson ne men estant jamays
21
enquis comme je feray si davanture je y voys ; mays je pence bien que
22
en teles matières et beaucop moingdres le vers de Virgile : sinditur
23
incertum, etc …, et y est bien pratique, estant lesdits du Crest entrés en jalou
24
sie et soubsson dung qui est chatolique et ne fut jamays autre
25
et est de leur vile. Certeynement, messieurs, en ce temps, il est
26
au povoyr de tous de metre en poyne les plus gens de bien, par
27
quoy je men remetz à voz bons jugemens et parce que monsieur le president
28
de Portes vous fera part des coppies de deus lettres, lune du roy et
29
lautre de monsieur le president Truchon, je ne vous feray ceste plus longue
30
que pour prier Dieu,
31
messieurs, vous donner etc …